‘Năr 15/11, Anih chĕp kơ̆l Đảng dêh char Đắk Nông pơgơ̆r Hop akŏm roi tơbăt 6 tơdrong tơchơ̆t đơ̆ng Khul kơdră chĕp kơ̆l Đảng dêh char găh tơdrong jang kăn ƀô̆. Kiơ̆ kơ ‘nŏh, Khul kơdră chĕp kơ̆l Đảng dêh char Đắk Nông tơchơ̆t, asong pơdơ̆h jang pơm Kơdră Anih krao hơvơn kon pơlei dêh char hăm yă Hà Thị Hạnh – Kơdră Anih krao hơvơn kon pơlei dêh char, Kơdră Anih Mặt trận Tổ quốc Việt Nam dêh char, iŏk đơ̆ng ‘năr 20/11/2024. Ƀok Lê Văn Chiến, Phŏ Kơdră chĕp kơ̆l Anih vei lăng kon pơlei dêh char đei rơih, pơjao jang kơchư̆k pơm Kơdră Anih krao hơvơn kon pơlei dêh char Đắk Nông.

Kŭm tơ̆ hop akŏm âu mơ̆n, Anih chĕp kơ̆l đảng dêh char Đắk Nông roi tơbăt dôm tơdrong tơchơ̆t găh rơih hơmet, pôk hơtŏk ƀok Nguyễn Văn Thanh – Phŏ Kơdră Anih krao hơvơn kon pơlei dêh char vang jang lơ̆m Khul kơdră chĕp kơ̆l, pơm Phó Bí thư chĕp kơ̆l Đảng apŭng Đắk Song, jăl jang đơ̆ng 2020 - 2025. Rơih, pôk hơtŏk ƀok Lê Ngọc Quang, Kơdră Anih vei lăng jŏh ayŏ kơ dŏ xoang, tơplŏng kơdâu păng chă tơmang lăng dêh char Đắk Nông pơm Phŏ Kơdră chĕp kơ̆l Ban Tuyên giáo dêh char iŏk đơ̆ng ‘năr 20/11/2024. Rơih hơmet, pôk hơtŏk ƀok Phạm Đức Lộc, Phó Bí thư chĕp kơ̆l Đảng apŭng Đắk Song pơm Phŏ Kơdră Anih krao hơvơn kon pơlei dêh char iŏk đơ̆ng ‘năr 20/11/2024. Tơchơ̆t pơdui khei ‘năr jang kơchư̆k pơm Phŏ kơdră Anih krao hơvơn kon pơlei dêh char hăm ƀok Lê Sỹ Tuân iŏk đơ̆ng ‘năr 23/10/2024 truh tôm sơnăm pơdơ̆h hưu.