Đei lơ nơ̆r tơgop lơ̆m Khŭl chĕp kơ̆l Anih jang Jên hu drơ̆ng nơ̆r hăm tơdrong kăl tơlĕch ăn Tơdrong tơchơ̆t vă hơnơ̆ng tơmơ̆t yua trong jang tơgum tơ jur thuê̆ kơjă tŏk, tơgop tơ jur kơjă tơmam, kơjă tĕch tơmam, pơvih pơvăn, đơ̆ng noh kĕ pơtrŭt răt yua, pơvei tơdrong jang ăn bơngai jang, tơgŭm kon pơlei, anih mơdro sa hơnơ̆ng pơvei tơdrong tơiung ming păng pơtrŭt tơdrong jang pơm tơlĕch, tĕch mơdro vă tơgop hơlơ̆k dơ̆ng ăn jên jang teh đak păng mŭk drăm.

Đei lơ nơ̆r tơgop lơ̆m Khŭl chĕp kơ̆l pơgơ̆r Anih jang jên hu drơ̆ng nơ̆r hăm athei đơ̆ng Khŭl kơdră teh đak găh tơdrong hơnơ̆ng ăn phep tơmơ̆t yua jên jang đơ̆ng ‘năr 01/01/2025 truh đĭ ‘năr 30/6/2025. Pơtôch tơdrong ‘nâu, Phŏ kơdră Quốc hội Nguyễn Đức Hải roi tơbăt, Anih chĕp kơ̆l pơgơ̆r drơ̆ng nơ̆r pơtruh ăn Quốc hội set hơlen tơchơ̆t tơ jur thuê̆ kơjă tŏk đơ̆ng Khŭl kơdră teh đak; athei Khŭl kơdră teh đak chih iŏk nơ̆r tơgop đơ̆ng Anih chĕp kơ̆l pơgơ̆r, nơ̆r tơgop đơ̆ng anih jang dăr hơlen vă chih tơmơ̆t dơ̆ng roi tơbăt hơlen lăng kơjă tŏk lăp đơ̆ng tơdrong tơ jur thuê̆ pơtruh ăn Quốc hội set hơlen tơchơ̆t.