Rim anih jang tơm đei akŏm 'măng mă âu noh  Anih tơm Pơgơ̆r Linh, Anih tơm jang Tơbôl, Anih tơm jang Tơroi Tơbăt păng 8 tơring đei Hà Nội, pơlei tơm Hồ Chí Minh, Hải Phòng, Đà Nẵng, Cần Thơ, Quảng Ninh, Hải Dương, păng Tây Ninh. Kiơ̆ tơroi đơ̆ng 3 anih jang tơm, 8 tơring, khei năr âu ki tơdrong pơm jang, sek tơlang dôm hla bar hanh chĭn, pơm jang tơdrong jang teh đak, rim anih jang tơm, rim tơring hlôi đei lơ tơdrong hơdrin păng đei jơnei tơnăp.

Pơma ah jơ pơm jang, Phŏ Thủ tướng teh đak bơ̆n Nguyễn Hòa Bình ră hơdah, âu jing minh lơ̆m dôm sơnong jang tơm, trong pơm jang vă hơmet hơtŏk mŭk drăm, pơ-'lơ̆ng cham char asong jang tĕch pơdro. Atŭm hăm noh ră hơdah, tơchơ̆t jang hanh chĭn hiôk tenh 'lơ̆ng, ăn kon pơlei năm pơm hla bar kăl – âu adoi jing tơdrong pơgơ̆r kơjăp đơ̆ng  Đảng, Teh đak bơ̆n. Tơdrong băt hơdah dôm tơhlăk tơhlĭn gô đei hơmet pơ-'lơ̆ng, pơm trong ƀônh ăn kon pơlei, anih jang mŭk drăm ƀơ̆t truh pơm dôm hla bar hanh chĭn.