Tơ̆ hop akŏm ah pơgê năr 25/11, Ƀan chơ̆p hanh Trung ương hlôi tơgop nơ̆r gah pơkăp bơngai jang vă Anih tơm Chĭnh trĭ pơtruh ăn Kuôk hô̆i jăl 15 kĭ tơchơ̆t kơchư̆k Ƀô̆ trương Anih tơm jang Jên hu su kăk, Ƀô̆ trương Anih tơm jang gah Trong nơnăm; pôk bơngai jang lơ̆m Anih jang Kơpal kơ Kuôk hô̆i, Tổng Thư ký Kuôk hô̆i, Kơdră Anih jang Kuôk hô̆i.

Kiơ̆ tơchơ̆t, Anih jang Kơpal Kuôk hô̆i pơtruh hơnăn ăn Kuôk hô̆i pôk bơngai jang lơ̆m Anih jang Kơpal kơ Kuôk hô̆i, Tổng Thư ký Kuôk hô̆i; Thủ tướng teh đak pơtruh hơnăn vă Kuôk hô̆i kĭ tơchơ̆t pôk kơchư̆k ƀô̆ trương. Đơ̆ng rŏng kơ hơlen lăng hơnăn, pơma đam tơ̆ khul, Kuôk hô̆i tah kơphĭu srĕp vă keh đang dôm kơchư̆k âu.