Kiơ̆ tơdrong vă jang, Anih chĕp kơ̆l pơgơ̆r Quốc hội vă tơgop nơ̆r găh tơdrong tơl tơblang, hơmet ming Luơ̆t teh (oei chih hơmet); Luơ̆t dôm anih asong tŏk iŏk jên (oei chih hơmet); Tơdrong tơchơ̆t găh 1,2 trong pơgơ̆r jang, tơdrong tơgŭm hơdrô̆ vă hơmet pơ ‘lơ̆ng pơmat tat, tơhlăk tăk, hơtŏk hrĕnh tơdrong bơ̆ jang dôm tơdrong jang tơm kơ teh đak păng tơdrong tơchơ̆t găh Hơmet ming Trong tơmât jên jang kơ teh đak đunh păh lăp sơnăm hăm jên trung ương đơ̆ng 2021-2025 iok đơ̆ng jên ‘măn răk hiă atŭm hơtŏ hăm kơsô̆ jên thu mong, jên ‘mơ ‘met đơ̆ng trung ương sơnăm 2022 ăn dôm tơdrong jang kơ teh đak păng chih tơlĕch dơ̆ng dôm trong jang vă tơmât jên păh lăp sơnăm ăn Grŭp jang unh điên Việt Nam đơ̆ng jên ‘măn răk vă tơlĕch jang đunh păh lăp sơnăm. 

4 tơdrong gĭt kăl âu hlôi đei dôm bơngai tang măt Quốc hội pơma nuh tôch hơlen tơ̆ Hnam hôp lơ̆m 2 năr bơ̆ jang tơ̆ Hop akŏm ưh ê ‘măng mă 5. Đơ̆ng rŏng kơ Anih chĕp kơ̆l pơgơ̆r Quốc hội chih iŏk nơ̆r tơgop, hơmet ming, dôm bơngai tang măt Quốc hội vă hơlen năng, pơdrơ̆ng nơ̆r pơgê dơning ‘năr (18/1) lơ̆m Hop akŏm ưh ê ‘măng mă 5 âu.