Anih chĕp kơ̆l pơgơ̆r Quốc hội tơgop nơ̆r ăn Luơ̆t vei lăng sơđơ̆ng ‘lơ̆ng tơ̆ trong gre teh
Thứ sáu, 13:59, 15/03/2024
VOV/Dơ̆ng tơblơ̆
VOV/Dơ̆ng tơblơ̆
VOV4.Bahnar - Hơnơ̆ng bơ̆ jang lơ̆m hop akŏm ‘măng mă 31, năr ‘nâu (15/03), Anih chĕp kơ̆l pơgơ̆r Quốc hội tơgop nơ̆r găh tơdrong tơblang, chih iŏk, hơmet ming 4 hla ar chih Luơ̆t, lơ̆m nŏh đei Luơ̆t vei lăng sơđơ̆ng ‘lơ̆ng tơ̆ trong tre teh.
Tơdrong kăl đei tơrek lơ̆m Luơ̆t vei lăng sơđơ̆ng ‘lơ̆ng tơ̆ trong gre teh ‘nŏh jĭ chih hơdăh tơdrong kâm ưh ăn bơngai huơ̆r gre et tơdrô, ƀier. Phŏ Kơdră Anih vei lăng khul linh păng tơdrong sơđơ̆ng kơ Quốc hội Nguyễn Minh Đức akhan, tơdrong ‘nâu athei năng jĭ "nơ̆r athei" kăl bơ̆ jang mă tơpăt ‘lơ̆ng.
Lơ̆m Luơ̆t tang găn tơdrong răm đơ̆ng hơlăk, ƀier chih hơdăh tơdrong ưh ăn et tơdrô ƀier mưh huơ̆r gre. Găh trong chih đơ̆ng Luơ̆t Việt Nam ‘nŏh jĭ athei drơ̆ng pôm nơ̆r lơ̆m rim khôi luơ̆t. Đĭ đăng tơdrong gre tâm preh băl tơ̆ trong teh, jô̆ păh lăp iŏk đei dang 43% tơdrong pơ̆k gre, pơm glăi tih, mă lơ ‘nŏh yoa đơ̆ng tơdrô, ƀier ngăl.
Viết bình luận