Dôm ƀai chih tơblang lơ̆m jơ pơma đam akhan, lơ̆m 80 sơnăm pơjing, tơblăh, iŏk jơnei păng jang tŏk, Anih jang Chinh trĭ hơnơ̆ng tŏk pran, jang đang ‘lơ̆ng hơnăp jang, tơdrong jang đei pơjao; chĕp kơ̆l pơgơ̆r gơ̆h hơgei, tơtom, đei yoa mơh pơjing anih jang chinh trĭ lơ̆m đĭ đăng khul linh pran kơjăp tôm tơdrong, vang tơgop pơm hơtŏk tơdrong pran kơtang, đei yoa đơ̆ng tơdrong chĕp kơ̆l pơgơ̆r đơ̆ng Đảng hăm khul linh. 

Dôm ƀai chih tơblang oei tơƀôh hơdăh, lơ̆m jăl jang hrei ‘nâu, tơdrong vei lăng teh đak păng pơjing khul linh đei tơlĕch roi kơjung hăm Anih jang chĕp kơ̆l Chinh trĭ păng anih jang chinh trĭ lơ̆m khul linh. Chĕp vei kơjăp tơdrong juăt ‘lơ̆ng “Mĭnh jơhngâm đon; Tơnăp ‘lơ̆ng – Gơ̆h hơgei”, Anih jang chinh trĭ hơnơ̆ng tưk tơiung đon jang tơnăp, kơchăng roi tơƀôh, pơgơ̆r bơ̆ jang ‘lơ̆ng dôm tơdrong tơchơ̆t, trong jang gĭt kăl, nơ̆r pơtho găh tơdrong jang vei lăng teh đak păng pơjing khul linh lơ̆m chăl ‘nao.