Tơ̆ hop akŏm, dôm bơngai tang măt đei roi tơbăt găh tơdrong bơ̆jang đơ̆ng dôm anih mơdro sa, khŭl jang lơ̆m sơnăm 2024; mơ̆ng tơroi tơbăt tơdrong tơchơ̆t kơsô̆ 72 đơ̆ng khŭl kơdră teh đak hơgăt tơdrong jang tơgŭm tơjur thuê̆ kơjă tŏk kiơ̆ tơdrong Tơchơ̆t kơsô̆ 142 đơ̆ng Quốc hội; tơdrong Tơchơ̆t kơsô̆ 103 đơ̆ng Khŭl kơdră teh đak hơgăt găh jên iŏk yua teh, jên thuê teh; roi tơƀôh 1,2 tơdrong pơvih pơvăn thuê̆ điện tử yua đơ̆ng anih jang thuê̆ pơtruh; roi tơƀôh dôm tơdrong glăi đa tơƀơ̆p đơ̆ng anih mơdro sa đei chă ƀôh kiơ̆ tơdrong jang dăr lăng, hơlen lăng...

Tang măt dôm anih mơdro sa, bơngai nôp thuê̆ athei Anih jang Thuê̆ dêh char Đắk Lắk pơtho hơdăh tơdrong bơ̆jang kiơ̆ trong jang, khei ‘năr tơlĕch hla ar hoă đơn ăn tơmam tĕch tơ̆ teh đak đe; pơtho hơdăh găh tơdrong hơgăt, tơdrong hiôk vă anih mơdro sa đei sa yua tơdrong tơgŭm thuê̆ iŏk yua mơdro sa; kăl kơ jăh dăr hơlen lăng păng tơlĕch roi tơbăt găh hre thuê̆ vă anih mơdro sa tơtom chih tơmơ̆t dơ̆ng.