Mă lei, adoi oei đei dôm tơdrong tơnap tap, tơhlăk tơhlĭn kăl đei hơmet tenh kuăng. Truh đĭ khei 10, dêh char Đak Lăk pơtơm iŏk jên yua teh đei 1.364 tih hlj, đei 45,8% pơkăp đơ̆ng Jơnŭm jang vei lăng kon pơlei dêh char pơjao, lơ̆m noh dêh char đei iŏk 1,2% pơkăp jang. Tơdrong tơm noh tơplih tơchơ̆t jang tam mă drơ̆ng minh. Mă Luơ̆t Groi teh sơnăm 2023 đei iŏk yua đơ̆ng năr 1/7/2024 mă lei truh dang ei đei minh ƀar tơchơ̆t tơrĕk truh tơdrong vei lăng teh nhen iŏk jên thuê teh tam mă đei Tơchơ̆t hơdah truh tơdrong vei lăng iŏk jên thuê teh hơdah păng Tơchơ̆t pơtho jang.

Ƀok Phạm Ngọc Nghị, Kơdră Anih jang vei lăng kon pơlei dêh char Đak Lăk pơtruh nơ̆r hăm dôm anih jang kơpal tơ̆ dêh char dah hơlen chih akŏm păng atŭm pơđăp chă trong pơklaih tơnap tap. Dôm tơdrong mă tơrĕk truh dêh char, noh dêh char gô hơdrin sek tơlang mă keh. Tơdrong ưh đei tơrĕk noh rim anih jang athei tơgŭm vă dêh char pơtruh nơ̆r hăm Trung ương.