Tơ̆ pơlei tơm Buôn Ma Thuột, dang ei đei hloh 60 anih jang ƀăo chĭ, anih jang tang măt, hăm hloh 300 bơngai chih kơtơ̆ng ang, bơngai tơgŭm jang tŏk bŏk oei pơm jang. Iung pơma ah ‘măng tơjrơ̆m, ƀok Vũ Văn Hưng, Kơdră Anih jang vei lăng kon pơlei pơlei tơm Buôn Ma Thuột sơkơ̆t hơdah, dôm anih jang ƀăo chĭ hlôi tơrĕk hăm tơdrong hơroh, hơvơn hơlêm, tơbang lang să vă chih akŏm dôm tơdrong jang đei jơnei lơ̆m tơdrong jang hơtŏk mŭk drăm – tơpôl, vei sơđơ̆ng tơpôl teh đak.

Gah Anih jang Rađiô nơ̆r pơma Việt Nam tơ̆ tơring Tây Nguyên hlôi tơgop tih tên lơ̆m tơdrong hơtŏk mŭk drăm – tơpôl, vei sơđơ̆ng tơpôl Buôn Ma Thuột pơma hơdrô̆, dêh char Đăk Lăk pơma hơtŭm. Atŭm hăm noh, tơroi tơbang mŭk drăm pran, joh ayŏ, um rŭp pơlei tơm Buôn Ma Thuột truh hăm lơ kon pơlei, tơmoi, bôl boăl lơ̆m teh đak păng tơ̆ teh đak đe.