Hơdah, ah pơgê, Anih juăt jang Kuôk hô̆i pơma đam gah chih akŏm Tơchơ̆t kơ Kuôk hô̆i gah tơdrong hơmet mŭk drăm đei akŏm lơ̆m tơdrong dăr hơlen, tơkêng, sek tơlang dôm tơdrong pơm yoch glăi; hơlen lăng gah asong bơngai jang; tơgop nơ̆r gah tơdrong hơmet ăn ‘Măng hop akŏm mă 8, Kuôk hô̆i jăl 15. Ah kơsơ̆, Anih juăt jang kơ Kuôk hô̆i tơgop nơ̆r gah chih akŏm Luơ̆t Dư lĭu păng pơkăp jơ ‘năr pơma đam gah minh ƀar tơdrong nai.

ơdră Kuôk hô̆i Trần Thanh Mẫn ră hơdah ‘Măng hop akŏm mă 8 noh đei lơ tơdrong pơtruh ăn Kuôk hô̆i hơlen lăng, tơchơ̆t lơ hloh đơ̆ng blŭng jăl jang 15 truh dang ei. Kuôk hô̆i gô hơlen 39 tơdrong, lơ̆m noh đei 29 tơdrong gah chih akŏm khôi luơ̆t, 10 grŭp tơdrong jang mŭk drăm – tơpôl, jên mong kơ teh đak, hơlen, asong bơngai jang păng tơchơ̆t dôm tơdrong kăp gĭt lơ̆m tơdrong pơgơ̆r jang kơ po.