Truh khei năr âu, chih akŏm Luơ̆t Tĕch Răt teh hnam oei (hơmet ming) hlôi đei hơmet, keh đang lơ tơdrong, đei dôm bơngai juăt jang hmach bơnê. Mă lei, tơchơ̆t gah jên pơkăp ăn adrol lơ̆m tĕch răt hnam oei, tơdrong ming man đei chih akŏm ăn khei năr ning nai kơnh oei đei lơ nơ̆r pơma phara băl.

Chih akŏm Luơ̆t Tĕch răt teh hnam oei (hơmet ming) 'nao hloh adoi tơchơ̆t, gah tĕch ưh gơh iŏk hloh 95% kơjă pơkăp ƀơ̆t gah răt tam mă đei asong hla bar pơkăp yua teh, hnam oei. 5% kơjă oei kơ pơkăp tĕch răt đei kla đơ̆ng rŏng kơ anih jang kơpal kơ teh đak hlôi asong hla bar pơkăp yua teh, hnam oei. Mă lei, chih akŏm Luơ̆t Teh (hơmet ming) tŏk bŏk tơchơ̆t bơngai răt athei ăn 100% jên noh Anih jang chih măt gah teh pơtơm iŏk hô sơ păng bơ̆ Hla bar pơkăp yua teh.