Tơ̆ jơ bơ̆jang, kơdră chĕp kơ̆l Anih vei lăng kon pơlei dêh char Hậu Giang apĭnh Khŭl bơ̆jang kơ Anih pơgơ̆r jang teh đak găh tang găn ‘mi kial pơrăm set hơlen pơtruh ăn Thủ tướng Teh đak tơgŭm dêh char pơjing 1,2 tơdrong jang kăl vă pơyua ăn tơdrong jang tang găn ‘mi kial pơrăm păng pôk rĭ kon pơlei đơ̆ng tơring krê hơmơt teh hơlih lĕch tơ̆ hơnih oei sơđơ̆ng.

 Pơma tơ̆ jơ bơ̆jang, ƀok Hoàng Công Thủy athei anih jang kơpal dêh char Hậu Giang hơnơ̆ng bơ̆jang ‘lơ̆ng tơdrong jang tơroi tơbăt vă hơtŏk ‘lơ̆ng hlôh vao ăn kon pơlei găh tơdrong pơrăm đơ̆ng ‘mi kial pơm ăn, đơ̆ng noh đei tơdrong kơchăng kŭm hăm khŭl kơdră tơring lơ̆m kơchăng tơjră đei iŏk yua.