Anih pơgơ̆r jang kơ Trung ương găh tang găn xa pơjĭp, pơm glăi bơ̆ jang hăm Anih jang chĕp kơ̆l đảng dêh char Bà Rịa – Vũng Tàu
Thứ sáu, 11:02, 27/10/2023
VOV/Dơ̆ng tơblơ̆
VOV/Dơ̆ng tơblơ̆
VOV4.Bahnar - ‘Năr brei (26/10), Khul jang đơ̆ng Anih pơgơ̆r jang kơ Trung ương găh tang găn xa pơjĭp, pơm glăi yoa ƀok Trần Cẩm Tú, Kơdră jang lơ̆m Anih tơm Chinh trĭ, Kơdră Anih dăr hơlen kơ Trung ương, Phŏ Kơdră Anih pơgơ̆r jang kơ Trung ương găh tang găn xa pơjĭp, pơm glăi chĕp kơ̆l (khul kơsô̆ 3) đei jơ bơ̆ jang hăm Anih chĕp kơ̆l đảng dêh char Bà Rịa – Vũng Tàu vă roi tơbăt tơdrong dăr hơlen tơdrong jang kiơ̆ trong jang, tơdrong tơgŭm đơ̆ng Đảng găh tang găn xa pơjĭp, pơm glăi luơ̆t tĕh đak.
Tơ̆ dôm anih đei dăr hơlen, Khul athei dôm anih jang tơl tơblang, pơm hơdăh dôm tơdrong đei hơlen năng, hla ar, kơsô̆ chih đei ƀơm truh vă Khul tơchĕng hơlen, lăng năng, pơm hơdăh dôm tơdrong đei ƀơm truh tơdrong dăr lăng. Pơma tơ̆ jơbơ̆ jang, ƀok Trần Cẩm Tú, Kơdră jang lơ̆m Anih tơm Chinh trĭ, Kơdră Anih dăr hơlen kơ Trung ương, Phŏ Kơdră Anih pơgơ̆r jang kơ Trung ương găh tang găn xa pơjĭp, pơm glăi ăn tơbăt, Khul kơdră chĕp kơ̆l đảng dêh char Bà Rịa – Vũng Tàu jĭ 1 lơ̆m 6 anih jang Đảng đei Anih pơgơ̆r jang kơ Trung ương chih tơlĕch trong hơlen năng.
Viết bình luận