Tơ̆ jơ pơm jang, Phŏ Kơdră Anih pơgơ̆r jang Trung ương Phan Thăng An hlôi tơroi Tơchơ̆t đơ̆ng Anih tơm Chĭnh trĭ, athei ƀok Trần Đình Văn, Phŏ Ƀĭ thư juăt jang Tĭnh uy Lâm Đồng pơgơ̆r tơdrong pơm jang kơ Ƀan châ̆p hanh, Anih juăt jang Tĭnh uy Lâm Đồng.

Phŏ Kơdră Anih pơgơ̆r Trung ương Phan Thăng An hlôi tơbang Tơchơ̆t đơ̆ng Anih tơm Chĭnh trĭ, pơkăl Ƀan châ̆p hanh Đảng ƀô̆ dêh char Lâm Đồng păng ƀok Trần Đình Văn pơm jang tơnăp sơnong jang đơ̆ng Ƀan châ̆p hanh Đảng ƀô̆ dêh char. Ƀok Trần Đình Văn sơkơ̆t hơdah gô pơtoi tơguăt tơguăl, drơ̆ng nơ̆r atŭm hăm Ƀan châ̆p hanh, Anih juăt jang Tĭnh uy găn hloh tơnap tap dang ei.