Tang măt Anih tơm Chĭnh trĭ, Tổng Bí thư Tô Lâm hlôi pơjao Tơdrong tơchơ̆t đơ̆ng Anih tơm Chĭnh trĭ pơjao ăn kơ ƀok Trần Cẩm Tú, Bơngai jang lơ̆m Anih tơm Chĭnh trĭ, Bí thư Trung ương Đảng, Kơdră Anih hơlen lăng Trung ương pơm Kơdră Ban Bí thư jăl XIII, hơdai hăm pơma hơdăh, ‘nâu jĭ hơnăp jang gĭt kăl lơ̆m khei ‘năr đĭ đăng Đảng tŏk bŏk hơdrin hơmet ăn hop akŏm rim kơdră truh Hop akŏm ‘măng mă XIV kơ Đảng.

Anih tơm Chĭnh trĭ lui ngeh ƀok Trần Cẩm Tú, mĭnh ‘nu kơdră chĕp kơ̆l gĭt kăl, hlôi đei hŏk pơhrăm ‘lơ̆ng, jang đei đơ̆ng tơring, đei gơh hơgei păng đei lơ tơdrong hlôh vao bơ̆jang, đĭ yak hloh lơ kơchư̆k jang chĕp kơ̆l gĭt kăl kơ Đảng tơ̆ Trung ương păng tơring gô hơmet pơ ‘lơ̆ng tơdrong jang rim năr kơ Đảng; athei Anih pơvih ăn Trung ương Đảng kŭm hăm dôm anih jang ƀơm truh pơgơ̆r bơ̆jang kiơ̆ ‘lơ̆ng tơdrong jang; vei sơđơ̆ng tơdrong bơ̆jang ‘lơ̆ng, drơ̆ng 1  nơ̆r, hrơ̆ch 1 ‘măng đơ̆ng khŭl jang chĭnh trĭ. Ƀơ̆t măt, ƀok Trần Cẩm Tú akŏm athei Anih pơvih ăn Trung ương Đảng păng dôm anih jang ƀơm truh jang đang ‘lơ̆ng tơdrong jang hơmet ăn hop akŏm đảng rim tơring, yak truh Hop akŏm ‘măng mă  XIV kơ Đảng.