Mê đai Hơnglŏng Măih jĭ mê đai kăp gĭt hloh kơ teh đak Cộng hòa xã hội Chủ nghĩa Việt Nam vă hơpăh ăn kơ dôm bơngai đei kŏng jang tih tên, hơgei hloh lơ̆m tơdrong jang kach mang kơ Đảng, kơ hơdrĕch hơdrŭng.

Lăp đơ̆ng rŏng kơ Anih tơm Chính trị đei tơchơ̆t pơjao Mê đai Hơnglŏng Măih ăn kơ ƀok Nguyễn Phú Trọng - Tổng Bí thư Anih chĕp kơ̆l pơgơ̆r Trung ương Đảng Cộng sản Việt Nam, Kơdră teh đak Tô Lâm hlôi kĭ tơchơ̆t hơpăh mê đai Hơnglŏng Măih ăn kơ ƀok Tổng Bí thư Nguyễn Phú Trọng yua kơ hlôi đei lơ kŏng jang tih tên, hơgei hloh ăn tơdrong jang kach mang kơ Đảng, hơdrĕch hơdrŭng.