Anih tơm jang gah Trong nơnăm sơkơ̆t sek tơlang keh đang tơdrong tơhlăk tơhlĭn tơ̆ Jăl trong kơsô̆ 19
Thứ bảy, 08:47, 09/09/2023
VOV Tây Nguyên/Lan tơblơ̆
VOV Tây Nguyên/Lan tơblơ̆
VOV4.Bahnar – Ƀô̆ trương Anih tơm jang gah Trong nơnăm Nguyễn Văn Thắng hlôi pơtruh nơ̆r hăm hla bar chih gah tơdrong tơm, tơdrong tơjruh adoi nhen pơkăp atŭm dêh char Gia Lai pơklaih tơnap tap, tơhlăk tơhlĭn ăn tơdrong hơmet ming jăl trong 19. Tơdrong hơtŏk tơroh jăl trong vih vơ̆t tơ̆ tơring Tây Nguyên (chă ming hơmet Jăl trong 19) kơyuơ Jơnŭm vei hơlen Tơdrong jang 2, Anih tơm jang gah Trong nơnăm iŏk ming man, đei kơsô̆ jên asong ming man hloh 3.600 tih hlj.
Pơtơm iung ming man ah sơnăm 2021 păng kiơ̆ tơlĕch jang keh đang ah khei 6/2023. Mă lei đơ̆ng dôm tơdrong đei ƀôh lơ̆m iŏk pơm jang, khei 7/2023, Khul jang tang măt ăn Kuôk hô̆i dêh char Gia Lai hlôi đei hla bar chih akŏm nơ̆r tơgop đơ̆ng kon pơlei, pơtruh ăn dôm anih jang Trung ương.
Lơ̆m noh tơroi hơdah "Tơchơ̆t ming hơmet jăl trong 19" jăl găn apŭng Mang Yang păng xah Bình Giáo apŭng Chư Prông dêh char Gia Lai, khei năr ming man pơdui đunh, pơrăm truh tơdrong hơrih xa kơ kon pơlei, tơnap tap ăn kon pơlei vih vơ̆t. Pơkăl Anih tơm jang gah Trong nơnăm tơrĕk truh, pơgơ̆r Jơnŭm vei lăng ming man 2 păng dôm anih jang đei păng dôm anih jang đei tơrĕk chă hơlen păng hơmet dôm tơdrong jang oei tơjruh lơ̆m tơdrong ming man.
Viết bình luận