Hla ar tơroi tơbăt hăm khŭl chih kơtơ̆ng ang tơbăt ‘Măng hop akŏm ‘măng mă 12 Anih jang Hơdai Việt Nam - Nhật Bản hlôi đei pơgơ̆r tơ̆ Tokyo, Nhật Bản, lơ̆m ‘năr 07 khei 8 sơnăm 2024. 2 păh hôn bơnê tơdrong pơgơ̆r dơ̆ng Anih jang Hơdai Việt Nam – Nhật Bản đơ̆ng rŏng 5 sơnăm pơdơh yua đơ̆ng jĭ hơbuh covid-19.

‘Nâu jĭ ‘măng hop akŏm mă blŭng đei pơgơ̆r đơ̆ng rŏng kơ 2 teh đak hơtŏk tơdrong pơvei tŏk Jang hơdai gĭt kăl tôm tơdrong yua kơ tơdrong rơngei păng hơnŭk hơnoa tơ̆ châu Á păng lơ̆m apŭng plĕnh teh, tơƀôh tơdrong hơdrin đơ̆ng Khŭl kơdră chĕp kơ̆l Teh đak, dôm anih tơm, anih jang 2 teh đak lơ̆m tơdrong pơtrŭt pơvei tơbôl jang hơdai Việt Nam – Nhật Bản hơtŏk tơiung pran kơtang, ‘lơ̆ng, tôm tơdrong pơđĭ găh lơ păng ‘lơ̆ng, tơ găl hăm tơdrong ‘lơ̆ng đơ̆ng tơdrong pơvei ‘nao.