Anih tơm kŏng an pơgơ̆r pơlong bioh kơ khul linh tơ̆ Đà Lạt, Lâm Đồng
Thứ hai, 15:48, 14/10/2024
Lan chih tơblơ̆
Lan chih tơblơ̆
VOV4.Bahnar – ‘Năr brei (13/10), tơ̆ pơlei tơm Đà Lạt, dêh char Lâm Đồng, Anih tơm Kŏng an pơtơm Tơdrong pơlong jơhngơ̆m pran hơnăn “Kơyuơ sơđơ̆ng tơpôl teh đak” ‘măng mă 9 păng Tơdrong pơlong pơm kiơ̆ Tơchơ̆t khul linh, pơlong bioh đe kŏng an kon pơlei ‘măng mă 6 – Tơring 3.
Vang năm Pơlong jơhngơ̆m jăn pran ‘măng mă âu đei jê̆ 2.500 bơngai pơlong jĭ dôm kan ƀô̆, đe linh kŏng an tơ̆ tơring pơbah.
Pơma ah jơ pơtơm, Thiếu tướng Lê Hồng Hiệp, Phŏ Kơdră Anih jang Đảng păng tơdrong jang chĭnh trĭ, Anih tơm Kŏng an, Phŏ kơdră Jơnŭm pơgơ̆r Pơlong jơhngơ̆m pran sơkơ̆t hơdah, tơdrong hơtŏk pơ-‘lơ̆ng tơnăp tơdrong pơtâ̆p pran hơkâu jăn păng pơm kiơ̆ tơchơ̆t khul linh, pơhrăm bioh lơ̆m kŏng an kon pơlei jing minh lơ̆m dôm sơnong jang kăp gĭt, tơgop pơjing khul kŏng an kon pơlei hlăng ‘lơ̆ng gơh hơgei, hơbĕch hơbal, pơtrŏ hăm sơnong jang lơ̆m chăl ‘nao dang ei.
Viết bình luận