Tơ̆ jơ sơng, Thư̆ trương Lương Tam Quang sơkơ̆t hơdah, Việt Nam hơnơ̆ng lăng Hoa Kỳ jing teh đak kăp gĭt hơgei gah kih thuơ̆t, khua hŏk – kŏng ngê̆ păng hơpơi ‘meh pơih să, hơtŏk jang hadoi đei jơnei hăm Hoa Kỳ lơ̆m dôm tơdrong jang dơnơm.

Lơ̆m khei năr truh, vă hơtŏk jang mŭk drăm, tĕch pơdro, asong jang tơgăl hăm tơdrong hơtŏk kơ tơbôl 2 teh đak, USABC pơkăl Jơnŭm pơgơ̆r teh đak Việt Nam pơma atŭm păng Anih tơm Kŏng an pơma hơdrô̆ gô pơtoi tơrĕk, pơm trong hiôk ăn dôm anih jang mŭk drăm Hoa Kỳ asong jang sơđơ̆ng, đunh khei năr tơ̆ Việt Nam. Dôm anih jang mŭk drăm vang jang kơ USABC pơkăp gô tơgŭm Việt Nam pơm jang dôm tơchơ̆t hơtŏk tơ-iung, mă kăl noh tơchơ̆t tơplih kơsô̆, pơjing mŭk drăm kơsô̆, tơpôl kơsô̆, hơtŏk vei sơđơ̆ng mạng, vei sơđơ̆ng ưh đei unh xa đôh.