Tơ̆ jơ lêh, đei asong đơ̆ng Ƀô̆ trương Anih tơm Kŏng an, Kơdră Anih tơm pơkăp kan ƀô̆ jang hlôi tơbang Tơchơ̆t đơ̆ng Ƀô̆ trương Anih tơm Kŏng an gah tơdrong pôk ƀok Đại tá Nguyễn Thanh Liêm (pơlei pơla tơ̆ Hà Tĩnh), Phŏ Kơdră Kŏng an dêh char Hà Tĩnh truh pơm jang kơdră Kŏng an dêh char Đăk Nông.

Iŏk sơnong jang ‘nao, tơring ‘nao, Đại tá Nguyễn Thanh Liêm, Kơdră Kŏng an dêh char Đăk Nông sơkơ̆t gô tenh kuăng sơđơ̆ng tơdrong jang, tơrĕk băt hơdah dôm tơdrong jang, tơring jang; pơm jang tơnăp, akŏm jơhngơ̆m păng tơdrong hlôh vao po atŭm hăm anih jang Đảng, Jơnŭm pơgơ̆r Kŏng an dêh char păng tôm kŏng an, khul linh keh đang tơnăp sơnong jang đei pơjao, vei sơđơ̆ng tơpôl, pơjing khul Kŏng an Đăk Nông hlăng ‘lơ̆ng, kơjăp kơtang tôm tơdrong.