Kiơ̆ kơ noh, đơ̆ng năr 11/10, kơjă unh hơyuh noh 2.103 hlj/kWh (tam mă jô̆ thuê̆ hơtŏk kơjă), tŏk 4,8% pơtêng hăm kơjă hơdrol kơ noh. Gah tơm, tơdrong hơmet kơjă unh hơyuh ‘măng mă âu gô vei sơđơ̆ng ăn dôm unh hnam hin dơnuh, dôm unh hnam mă teh đak tơchơ̆t tơgŭm noh pă dôm yơ. Kiơ̆ chih akŏm, jơ̆p teh đak đei 815.000 unh hnam hin dơnuh păng dôm unh hnam mă teh đak tơchơ̆t tơgŭm đei tơgŭm jên unh hơyuh kiơ̆ tơchơ̆t đơ̆ng Jơnŭm pơgơ̆r teh đak.

Lơ̆m noh, unh hnam hin dơnuh đei tơgŭm hơtŏ hăm kơsô̆ unh hnam hơyuh yua 30kWh h/unh hnam/minh khei. Unh hnam mă teh đak tơchơ̆t tơgŭm yua unh hơyuh ưh kơ hloh 50 kWh/khei đei tơgŭm hơtŏ hăm kơsô̆ unh hơyuh yua 30kWh. ‘Nâu jing ‘măng 3 hơmet kơjă unh hơyuh jô̆ đơ̆ng khei 5 sơnăm 2023, vă hơmet kơjă unh hơyuh pơtrŏ hăm tơdrong jang mŭk drăm.