Tơ̆ hop akŏm, kơdră Anih jang Nô̆i vŭ kơ lơ tơring lơ̆m jơ̆p teh đak bơnê kơ tơdrong pơgơ̆r jang đơ̆ng Anih tơm lơ̆m dôm tơdrong jang dơnơm, mă kăl noh tơdrong sơkơ̆t anih jang hanh chĭn tơ̆ apŭng, xah. Mă kăl, lơ tơring lơ̆m pơkăp sơkơ̆t iŏk nơ̆r tơgop đơ̆ng kon pơlei gah hơnăn krao anih jang ‘nao noh đei tơdrong drơ̆ng nơ̆r tơnăp. Khei năr âu đei 28 lơ̆m 53 anih jang đei sơkơ̆t hơnăn krao hlôi keh đang tơdrong jang.

Tôm anih jang nô̆i vŭ tŏk bŏk pơtoi tơguăt kơjăp hăm tơchơ̆t jang đơ̆ng Đảng lơ̆m pơkăp lơ̆m dôm anih jang kơ teh đak đơ̆ng anih jang tơm, rim tơring. Lơ̆m khei năr oei lăi kơ sơnăm, Ƀô̆ trương Phạm Thị Thanh Trà pơkăl akŏm tơnăp hloh ăn 2 sơnong jang noh pơkăp anih jang hanh chĭn tơ̆ apŭng, tơ̆ xah, mưh tơring yơ ưh keh đang athei pŭ sơnong jang hăm Trung ương; athei keh đang lơ̆m sơnăm 2024 âu hloi.