Anih tơm vei lăng găh Kơmăy kơmŏk mơdro sa bơ̆jang hăm kơdră chĕp kơ̆l dêh char Kon Tum
Thứ năm, 14:38, 08/08/2024
VOV/Thuem tơblơ̆
VOV/Thuem tơblơ̆
VOV4.Bahnar - Kơsơ̆ brei (7/8), Khŭl bơ̆jang kơ Anih tơm vei lăng găh Kơmăy kơmŏk Mơdro sa yua đơ̆ng Kơdră tơm Nguyễn Hồng Diên pơm kơdră khŭl hlôi bơ̆jang hăm kơdră chĕp kơ̆l dêh char Kon Tum găh tơdrong pơm tơlĕch kơmăy kơmŏk păng tơdrong jang tĕch mơdro; tơdrong tơlĕch jang kiơ̆ trong proh hơmet tơdrong jang Teh đak lơ̆m tơdrong jang ŭnh hơyuh, tơmam drăm lơ̆m teh.
Pơma tơ̆ jơ bơ̆jang, ƀok Nguyễn Hồng Diên akhan hơdai hăm jơnei iŏk đei, dêh char Kon Tum oei lơ mơmat tat hơnhăk truh dôm tơdrong ưh tam ‘lơ̆ng lơ̆m kơplăh bơ̆jang kiơ̆ dôm tơdrong hơgăt, hơnăp jang.
Găh hơnăp jang tơ̆ hơnăp kơnh, ƀok Nguyễn Hồng Diên athei dêh char Kon Tum tơlĕch jang kiơ̆ đei yua dôm trong jang, tơdrong tơgŭm đơ̆ng Đảng, Teh đak găh hơtŏk tơiung mŭk drăm - tơpôl lơ̆m sơnăm 2024 păng dôm sơnăm pơtăl dơ̆ng, mă loi ‘noh jĭ 1,2 trong jang tơgŭm ‘nao đei tơmơ̆t yua đơ̆ng ‘năr 1/8, ‘noh jĭ Luơ̆t Teh, Luơ̆t hnam oei, Luơ̆t tĕch mơdro teh, hnam oei,.... mă loi ‘noh jĭ tơdrong jang tơgŭm răt tĕch ŭnh điên kơtă, tơdrong jang tơgŭm pơtrŭt hơtŏk tơiung ŭnh điên măt ‘năr tơ̆ kơpal pơbŭng.
Viết bình luận