Pơma tơ̆ hop akŏm, Đại tướng Phan Văn Giang, Kơdră tơm vei lăng khul linh teh đak akhan, 3 sơnăm âu ki, kăn ƀô̆, đảng viên păng linh lơ̆m đĭ đăng khul linh băt hơdăh đon jang tơnăp, adrin hŏk pơhrăm kơdih păng pơm kiơ̆ Ƀok Hô lơ̆m rim tơdrong jang tôch đei yoa.

Hơtŏk đon “pơvih ăn teh đak, pơvih ăn kon pơlei”, hơmet pơ ‘lơ̆ng rim tơdrong pơmat tat, jang đang ‘lơ̆ng tơdrong jang đei pơjao, chu lôch hŭt hơkâu vă vei lăng Đảng, teh đak păng kon pơlei, hơnơ̆ng hơmet pơ ‘lơ̆ng tơdrong juăt “Khŏm iung tơblăh, truh iŏk jơnei” păng tơƀôh hơdăh jơhngâm đon, um rup ‘lơ̆ng đơ̆ng Ƀô đô̆i Ƀok Hô lơ̆m chăl ‘nao. Tơ̆ hơnăp kơnh, Đại tướng Phan Văn Giang athei khul chĕp kơ̆l đảng, anih jang đảng, rim khul linh hlôh vao kơjăp păng jang kiơ̆ ‘lơ̆ng 1,2 tơdrong tơm. Lơ̆m noh athei hơtŏk đon jang tơnăp păng đon adrin jang tŏk kơdih đơ̆ng đe kăn ƀô̆, đảng viên.