Pơma tơ̆ lêh pôk pơ ư, Đại tướng Lương Cường, Kơdră jang lơ̆m Anih tơm Chinh trĭ, Kơdră chĕp kơ̆l Anih jang Chinh trĭ kơ Khul linh kon pơlei Việt Nam pơma hơdăh, druh dăm khul linh ling lang kơchăng hăm dôm tơdrong jang hơbĕch hơbal, gơ̆h hơgei, đei yoa tưk tơiung hơnăp jang năm hơdrol mưh pơtâp pơhrăm, kơchăng tơblăh, tơchĕng hơlen khoa hŏk, pơjing khul linh chính quy, pơtâp pơhrăm ki luơ̆t, bơ̆ jang, hơmet pơ ‘lơ̆ng hiong răm đơ̆ng sar bar tŏ ‘mi kial kơnê̆, tơgŭm ăn kon pơlei sut pơđĭ pơngot, tơjur tơnuh hin, pơjing tơring tơrang ‘nao, tơring kơdrâm rơgei...

Pơma hơdăh 45 ‘nu linh mơlôh đei pôk pơ ư năr ‘nâu jĭ dôm bơngai tang măt gơ̆h hơgei hlŏh lơ̆m rơbâu ‘nu druh dăm rơgei lơ̆m khul linh găh rim tơdrong jang kơ khul linh sơnăm 2023.