Tơ̆ jơ sơng, Phŏ kơdră tơm Lương Tam Quang pơma hơdăh, Đảng, teh đak Việt Nam ling lang pơ yom tơdrong kiơ̆ lui mơ̆ng kơ dih đơ̆ng rim kon pơlei, tơƀôh tơdrong ‘lơ̆ng lơ̆m trong jang tơgŭm păng đei pơm hơdăh hăm tơdrong jang khôi luơ̆t. Dôm tơdrong lui khop adoi hơ tŏ hơnơ̆ng tơ̆ hơnăp khôi luơ̆t, arih sa hơdai lăp ‘lơ̆ng, 1 jơhngơ̆m đon, tơ goăt yak hơdai hăm hơdrĕch hơdrŭng, ưh kơ đei pơ jei băl găh hơdrĕch hơ drŭng, pơ jei băl lui khop.

Phŏ kơdră tơm Lương Tam Quang ‘meh Bơngai tang măt gô jing gơng tơƀưh tơgŭm pơ trŭt tơdrong pơvei jang hơdai gĭt kăl Việt Nam - Phalăng hơtŏk tơiung roi ‘năr roi ‘lơ̆ng hloh dơ̆ng lơ̆m đĭ đăng rim tơdrong, mă loi ‘noh jĭ dôm tơdrong jang hơdai apŭng plĕnh teh lơ̆m lui khop, kŭm nhen tơgŭm hơtŏk loi dơ̆ng tơdrong jang hơdai, tơ roi tơdrong hlôh vao tơdrong jang đơ̆ng Anih tơm vei lăng Kŏng an Việt Nam hăm dôm anih jang bơ̆jang kiơ̆ khôi luơ̆t kơ Phalăng tơgop vei lăng sơ đơ̆ng teh đak, vei sơđơ̆ng tơ pôl, kiơ̆ lui mơ̆ng kơ dih ‘meh vă tơ̆ 2 teh đak.