Ƀlep 8 jơ pơgê ‘năr 18-7, Anih tơm vei lăng găh pơtho pơhrăm pơtơm roi tơbăt điêm pơ long tốt nghiệp THPT sơnăm 2023 kơ hloh 1 triệu ‘nu hŏk tro vang pơlong. Dôm trang web pơih lăng điêm pơih hơnơ̆ng. Sơnăm ‘nâu Anih tơm vei lăng găh pơtho pơhrăm tơchơ̆t Anih tơm păng dôm Anih vei lăng găh pơtho pơhrăm, 1,2 hla ar tơroi điện tử vang roi tơbăt điêm pơlong lơ̆m 8 jơ pơ gê kơna tơdrong pơih lăng điêm đơ̆ng hŏk tro ƀônh hiôk hloh, hŏk tro ưh kơ athei krŏng prăt măng gô truh tŏk bŏk măng vă pơih lăng điêm nhen sơnăm sơ̆.

Kiơ̆ pơtôch tơblang hơdăh roi tơbăt điêm đơ̆ng Anih tơm vei lăng găh pơtho pơhrăm, môn Giáo dục công dân đei điêm jô̆ păh lăp lơ hloh, ‘noh 8,29 điêm, lơ̆m noh điêm đei lơ hŏk tro iŏk đei lơ mă mônh ‘noh 9 điêm. Môn pơlong âu kŭm đei kơ sô̆ hŏk tro đei điêm 10 lơ hloh. Môn pơlong đei điêm pơlong jô̆ păh lăp lơ mă 2 kơ ‘măng pơlong âu ‘noh Ngữ văn, mă lei lăp đei 1 ‘nu hŏk tro đei điêm 10. Dôm môn Toán, Vật lý, Hoá học, Sinh học, Lịch sử, Địa lý tă kơ đei điểm păh lăp tơ̆ đơ̆ng 6,03 truh 6,74 điêm, mă lei pơtêng hăm sơnăm sơ̆, kơ sô̆ điêm jô̆ păh lăp păng kơsô̆ ƀai pơlong đei điêm 10 tơ jur ngăl. Môn Nơ̆r Anh đei điêm pơlong jô̆ păh lăp tŏ sĕt hloh lơ̆m kơ sô̆ dôm môn pơlong, hăm 5.45 điêm. Đei 494 ‘nu hŏk tro đei điêm 10 tơ̆ môn pơlong ‘nâu.