Tơdrong thi đei 19 khul hăm vă jê̆ 190 ‘nu bơngai vang thi, tơgar băl, tơƀôh hơdăh tơdrong hlôh vao păng đon jang tơnăp hăm tơdrong krao hơvơn kon pơlei. Hăm 3 tơdrong thi đei Nơ̆r kơkuh, đon sek tơlang dôm tơdrong mưh đei păng pơm tông găh krao hơvơn kon pơlei, dôm khul hơnhăk ba tơdrong thi lơ tơdrong tôch hơiă.

Kiơ̆ Anih pơgơ̆r, dôm khul pơtâp hơmet hơdrol tôch ‘lơ̆ng, hăm lơ tơdrong thi tôch hơiă. Lơ̆m nŏh, tơdrong thi sek tơlang dôm tơdrong mưh đei, hăm tơdrong pơm tông ‘moi kiơ̆ rim tơdrong đei tơ̆ yăn âu năng tôch hơiă, roi tơbăt tôch hơgei. Anih pơgơ̆r hơpăh tơmam ăn 11 khul rơgei, 3 tơmam hơpăh pơčhơp jơhngâm ăn dôm khul đei roi tơroi hơiă, pơm tông hơgei păng đei nơ̆r pơma kơkŭh tôch hơiă. Lơ̆m nŏh, Khul thi đơ̆ng Anih vei lăng jŏh ayŏ kơ dŏ xoang, tơplŏng kơdâu păng chă tơmang lăng Dak Lak iŏk đei yaih như̆k.