Apŭng Buôn Đôn, dêh char Đăk Lăk tơgŭm ăn bơngai pơlong tôt ngĭp THPT
Thứ ba, 15:00, 18/06/2024
Lan chih tơblơ̆
Lan chih tơblơ̆
VOV4.Bahnar – ‘Măng pơlong tôt ngĭp THPT sơnăm 2024, apŭng sơlam teh Buôn Đôn, dêh char Đăk Lăk đei 1 anih akŏm pơlong, hăm jê̆ 570 ‘nu chih măt pơlong. Jơnŭm pơgơ̆r tơring păng anih jang kơpal kơchăng tơgŭm ăn dôm bơngai pơlong đei tơdrong hơrih tơnap tap.
Hăm pơkăp "ưh đei lê̆ bơngai pơlong yơ athei pơdơh pơlong kơyuơ tơdrong hơrih tơnap tap”, anih jang pơtho pơhrăm hlôi chih hơnăn đe hŏk tro đei tơdrong hơrih tơnap tap păng dôm bơngai pơlong hnam hơtaih, vih vơ̆t tơnap tap vă gơh đei tơdrong tơgŭm.
Ƀok Dương Hùng Phong, Phŏ Kơdră Anih jang Pơtho Pơhrăm apŭng Buôn Đôn, dêh char Đăk Lăk ăn tơbăt: đei 60 ‘nu pơlong kăl đei tơgŭm gah hơnih oei xa vih vơ̆t. Jơnŭm pơgơ̆r hlôi đei trong jang tơguăt hăm apŭng Buôn Đôn chih akŏm tơdrong tơgŭm pơlong. Đe oh gô oei xa kơtă tơ̆ Hnam trưng Kon kông hŏk oei hơdoi păng đei Anih jang vei lăng Kon pơlei apŭng tơgŭm jên oei xa.
Viết bình luận