Jên asong âu đei ‘măn ming hơmet jăl trong hơtaih 11,4 km găn xah Đăk Plao, apŭng Đăk Mil. Dôm anih kăl ming hơmet noh drơh trong, đing pơro đak djah gah 2 pah jrăng ƀŭ chô̆ kơƀang tơbăt. Đei ming hơmet lơ̆m 6 khei păng gô keh đang ah jê̆ đĭ sơnăm 2024. Ƀok Bùi Văn Đoàn – Kơdră Jơnŭm Vei lăng păng ming hơmet trong nơnăm (Anih jang găh Trong nơnăm Đăk Nông) ăn tơbăt, tơdrong ming hơmet hlôi đei dôm anih iŏk ming man pơm jang hloh 10% tơdrong jang, vei sơđơ̆ng nhen tơchơ̆t tơlĕch.

Jăl trong 14C găn dêh char Đăk Nông hơtaih hloh 162 km, pơtơm đơ̆ng apŭng Buôn Đôn, dêh char Đăk Lăk rok kiơ̆ trong sơlam dêh char Đăk Nông truh apŭng Bù Gia Mập, dêh char Bình Phước. ‘Nâu jing jăl trong dơnơm kơ teh đak, đei sơnong dơnơm vă hơtŏk mŭk drăm – tơpôl tơ̆ tơring sơlam dêh char Đăk Nông, tơgop pơm jang đei jơnei sơnong jang vei sơđơ̆ng tơpôl tơring Tây Nguyên.