Adoi lăng hơlen rim hla bơar chih tơbăt găh bơ̆jang dăr lăng; trong vă pơjing Hla bơar chih tơbăt akŏm nơ̆r tơgop, nơ̆r apĭnh đơ̆ng bơngai tăh hla păng kon pơlei pơtruh ăn ‘Măng hop akŏm mă 9, Kuô̆k hô̆i jăl XV. Đơ̆ng sơnăm 2022 truh đĭ khei 6 sơnăm ou, Kuô̆k hô̆i hlôi tơchơ̆t tơjur 2% thuê̆ kơjă tĕch răt hăm lơ tơmam drăm, mơdro sa. Vă pơtrŭt kơtang pơm tơlĕch, tĕch mơdro, pơtrŭt răt iŏk lơ tơmam drăm, jang kiơ̆ trong tơlĕch jang tŏk mŭk drăm jơnei 8% năm tơ̆ lơ, Khul kơdră Teh đak hơnơ̆ng pơtruh ăn trong vă pơjing Tơdrong tơchơ̆t đơ̆ng Kuô̆k hô̆i găh tơjur thuê̆ tĕch răt ăn 6 khei hơtuch sơnăm 2025 păng pơ đĭ lơ̆m sơnăm 2026. Mă hơdăh pơ̆ih să tơmam drăm đei tơjur 2% thuê̆ kơjă tĕch răt hăm tơmam drăm tơgŭm ăn pơm tơlĕch tĕch mơdo, tơmang pơhiơ̆, răt yua.