Tổng Bí thư Tô Lâm pơtơm blŭng dôm tơdrong jang năm ngôi, bơ̆jang tơ̆ teh đak Kazakhstan
Thứ ba, 14:18, 06/05/2025
VOV/Thuem tơblơ̆
VOV/Thuem tơblơ̆
VOV4.Bahnar - Kơsơ̆ 5-5 (kiơ̆ jơ tơring), Tổng Bí thư Tô Lâm păng hơkăn sư kŭm hăm khŭl tang măt gĭt kăl teh đak bơ̆n hlôi truh tơ̆ Cộng hòa Kazakhstan, pơtơm blŭng dôm tơdrong jang kơ teh đak kiơ̆ nơ̆r hơvơn đơ̆ng Kơdră tơm Kassym-Jormat Tokayev.
Đei pơgơ̆r ƀơ̆t tơbăt 33 sơnăm năr pơjing tơdrong pơvei jang tơbôl, ‘măng năm ngôi gô tơƀôh tơdrong ‘nao lơ̆m pơvei 2 pang. 2 teh đak hlôi iŏk đei lơ jơnei gĭt kăl, ƀôh hơdăh tĕch mơdro 2 pang tŏk pran hăm jên tĕch tơmam sơnăm 2024 iŏk đei vă jê̆ 1 ti USD - kơsô̆ lơ hloh đơ̆ng sơ̆ truh dang ei. Tơdrong jang tơmơ̆t jên jang đei ƀôh hơiă đơ̆ng pơđĭ 2 păh.
Dang ei 2 teh đak kŭm tŏk bŏk pơtrŭt jang hơdai lơ̆m tơdrong jang tĕch tơlĕch ki thuơ̆t khŭl lĭnh. Hăm tơdrong ‘lơ̆ng pơih să, ‘măng năm ngôi đơ̆ng Tổng Bí thư Tô Lâm đei hơmĕng gô pơm tơdrong hiôk vă kơdră chĕp kơ̆l rim jăl 2 teh đak tơƀơ̆p, pơma dơnuh păng pơih să jang hơdai lơ̆m dôm tơdrong jĭt kăl mă 2 teh đak gơh tơgŭm ăn băl.
Viết bình luận