'Nou jĭ minh tơdrong kăp gĭt lơ̆m khei năr apŭng plenh teh tŏk bŏk oei tơjră hăm lơ tơdrong tơnap tap nhen tơblah tơblŭng, ưh đei hơtŏ hơnơ̆ng, tŏ 'mi kial tơplih păng rơhiŭng rơhiăng gah đon bơnôh lơ̆m tơpôl.

Kơdră teh đak bơ̆n ră hơdah, Việt Nam jĭ minh teh đak đei tơdrong juăt jue kiơ̆ khop Phật đunh đai, tơguăt kơjăp hăm jơhnơr hơrih tơ-iung pơjing păng vei lăng teh đak. Găn ga lơ tơdrong tơnap tap lơ̆m jơhnơr hơrih, Phâ̆t yăo Việt Nam hơnơ̆ng vei kiơ̆ pơkăp “Vei sơđơ̆ng teh đak păng kon pơlei”, êbiang khop phâ̆t ling lang yak hadoi hăm kon pơlei. Dôm kơjă kăp gĭt nhen tơdrong 'mêm kơ teh đak, tơdrong 'mêm bơnat dih băl, đon dơnưp đơ̆ng Phâ̆t yăo hlôi hram hăm đon bơnôh kon pơlei Việt păng tơgop akŏm vei răk joh ayŏ kon pơlei Việt Nam.

Năm akŏm lêh pơtơm, Kơdră teh đak Sri Lanka tơroi hơdah truh tơdrong tơguăt păng jang hadoi hăm Việt Nam đơ̆ng lơ sơnăm kơ ou. Hrei ou, tơdrong tơbôl noh pơtoi đei hơtŏk pran kơtang hloh. Tang măt ăn đe kơdră kơ lơ teh đak nhen Trung Quốc, Ấn Độ, Campuchia... păng Tŏng thư kĭ Liên hiêp kuôk hlôi pơtruh nơ̆r thơ thou 'lơ̆ng hăm Vesak 2025.