Khei ‘năr âu ki, 2 dêh char Gia Lai păng Bình Định jang hơdoi tôch kơjăp, lăp hăm tơdrong hơgăt păng drơ̆ng nơ̆r hơmet ming kăn ƀô̆ chĕp kơ̆l, vei lăng dôm anih jang kơpal, anih jang đơ̆ng rŏng kơ tơmât hơdai. Dêh char Bình Định dang ei oei chih tơlĕch tơdrong tơgŭm ăn kăn ƀô̆ Gia Lai mưh năm jang tơ̆ dêh char ‘nao.

Pơma tơ̆ jơ bơ̆ jang, ƀok Nguyễn Xuân Thắng athei 2 dêh char ‘moi kiơ̆ tơdrong tơchơ̆t đơ̆ng Anih tơm Chinh trĭ găh pơgơ̆r Hop akŏm Đảng jơ̆p tơring năm truh Hop akŏm ‘măng mă XIV; Tơtă, mưh chih hơmet hla ar kăl ăn Hop akŏm athei tơmât hơdai trong jang vă atŏk tơiung đunh đai. Tơdrong hơmet kăn ƀô̆ chĕp kơ̆l Đảng, Khul kơdră tơring athei rơih mă trŏ bơngai, ưh đei lon, hŭt hơchăng kăn ƀô̆ rơgei, đei jơhngâm đon jang tơnăp ‘lơ̆ng păng đei lơ tơdrong tơgop lơ̆m khei ‘năr bơ̆ jang.