Ba kơ ting dôm lĭnh lôch dŏng teh đak lôch tơ̆ 6 dêh char păih tu teh đak Lào vih tơ̆ groi teh mĕ
Thứ sáu, 14:57, 23/06/2023 VOV/Thuem tơblơ̆ VOV/Thuem tơblơ̆
VOV4.Bahnar -  Pơgê 22/6, tơ̆ dêh char Oudomxay, tơring păh tu Lào, pơgơ̆r lêh pơjao, ba 10 kơting lĭnh lôch dŏng teh đak năm jang tơgŭm, bơngai joăt jang Việt Nam lôch tơ̆ 6 dêh char păih tu teh đak Lào vih tơ̆ teh đak.

‘Nâu jĭ dôm lĭnh lôch dŏng teh đak đei khŭl iŏk akŏm quân khu 2 chă đei lơ̆m jăl jang 2 pơyan tŏ 2022-2023. Vang truh pơm lêh đei bơngai tang măt kơdră chĕp kơ̆l dêh char dôm tơring găh Tu, bơngai tang măt ăn Anih bơ̆jang gĭt kăl khŭl kơdră teh đak Lào, tang măt Quân khu 2 kŭm hăm lơ lap kon pơlei dêh char Oudomxay păng tơpôl bơngai Việt Nam dêh char Oudomxay.

Tơ̆ jơ pơm lêh, Thiếu tướng Đinh Mạnh Phác, Phŏ kơdră pơgơ̆r Quân khu 2 hlôi tơƀôh jơhngơ̆m bơnê gĭt kăl truh Anih bơ̆jang gĭt kăl Khŭl kơdră teh đak Lào, kơdră chĕp kơ̆l tơring păng kon pơlei 6 dêh char păih Tu teh đak Lào hlôi pơm rim tơdrong hiôk vă Khŭl iŏk akŏm Quân khu 2 bơ̆jang hơnăp jang.  Thiếu tướng Đinh Mạnh Phác ‘meh vă Anih bơ̆jang gĭt kăl dôm dêh char păih tu teh đak Lào gô hơnơ̆ng jang hơdai tŭn hrĕnh bơ̆jang kiơ̆ tơdrong jang tơchă, iŏk akŏm, chơ vih kơ ting lĭnh lôch dŏng teh đak năm tơgŭm, bơngai joăt jang Việt Nam lôch tơ̆ Lào lơ̆m dôm khei ‘năr tơblăh vang sơ̆.

VOV/Thuem tơblơ̆

Viết bình luận

TIN CÙNG CHUYÊN MỤC