Kiơ̆ hla ar chih tơroi, 6 khei blŭng sơnăm 'nâu, Ban Tuyên giáo jơ̆p tơring kơchăng tơplih ‘nao, gơ̆h hơgei lơ̆m tơdrong jang roi tơƀôh ăn Anih tơm Chinh trĭ, Ban Bí thư, anih chĕp kơ̆l đảng jơ̆p tơring, pơgơ̆r tơlĕch jang tơdrong jang tơm tơiung pơjing Đảng, khŏm tơblăh tang găn tơdrong xa pơjĭp, pơm glăi, tơgop ăn tơdrong tơiung pơjing Đảng rơgŏh ‘lơ̆ng, pran kơjăp.

Pơma tơ̆ hop akŏm, Kơdră chĕp kơ̆l Ban Tuyên giáo Trung ương Nguyễn Trọng Nghĩa pơma hơdăh 1,2 tơdrong jang tơm đơ̆ng Anih jang Tuyên giáo 6 khei hơtuch sơnăm 2023. Kiơ̆ kơ ‘nŏh, hơnơ̆ng tơlĕch jang ‘lơ̆ng đei yoa dôm tơdrong jang lơ̆m sơnăm, tơroi ăn Anih tơm Chinh trĭ, Ban Bí thư; Hơnơ̆ng hơtŏk tơdrong tơroi tơbăt, pơjing jơhngâm pran, drơ̆ng pôm nơ̆r lơ̆m đĭ đăng Đảng, đĭ đăng kon pơlei, đĭ đăng khul linh; hơnơ̆ng adrin jang đei jơnei ‘lơ̆ng rim tơdrong jang đei tơlĕch lơ̆m jăl XIII.