Kiơ̆ Kŏng an dêh char Đăk Lăk, lơ̆m tong hơnê̆ sơnăm 2024, tơdrong pơm glăi sơđơ̆ng tơpôl tơ̆ dêh char đei ƀôh glăi 489 ‘măng, tơjur 3 ‘măng; sar bar trong nơnăm đei 208 ‘măng, tơjur 15 ‘măng, tơjur 21 ‘nu bơngai rơka pơtêng hăm khei năr âu sơnăm sơ̆. Adoi lơ̆m tong hơnê̆ blŭng sơnăm âu, Kŏng an Đăk Lăk hơlen băt đei 295 ‘măng xa pơjĭp, glăi gah mŭk drăm; tơkêng hơlen ƀôh 12 ‘măng glăi gah yua kŏng ngê̆ kao...

Kiơ̆ Thiếu tướng Lê Vinh Quy, Kơdră Kŏng an dêh char Đăk Lăk, tơdrong tơroi tơ̆ kơpal đei tơdrong tơgop kăp gĭt đơ̆ng ƀăo chĭ, ah hơnơ̆ng tơroi tơbăt dôm tơchơ̆t đơ̆ng Đảng, khôi luơ̆t teh đak; gah tơdrong vei sơđơ̆ng tơpôl păng pơjing Khul Kŏng an Kon pơlei... Kiơ̆ đơ̆ng tơroi tơbăt ƀăo chĭ, kon pơlei hơtŏk tơnăp kơchăng păng hlôh vao gah khôi luơ̆t, hăt hot vang jang lơ̆m tơdrong jang Tôm kon pơlei vei sơđơ̆ng tơpôl teh đak.