Pôk pơjao Tơdrong tơchơ̆t đơ̆ng Hơnih tơm Chinh trĭ ăn kơ ƀok Nguyễn Hữu Đông, ƀok Phan Đình Trạc, Kơdră jang lơ̆m Hơnih tơm Chinh trĭ, Bí thư Trung ương Đảng, Kơdră chĕp pơgơ̆r Ban Nội chính Trung ương sơkơ̆t hơdăh, yak hloh lơ kơchư̆k bơ̆ jang, ƀok Nguyễn Hữu Đông hơnơ̆ng đei lăng jĭ bơngai kang ƀô̆, ‘lơ̆ng, bơ̆ jang chinh trĭ kơjăp iăp kơtang, ling lang pơm hơtŏk jơhngơ̆m đon pơm jŭk yŭk trong hơlou kơ bơngai kang ƀô̆, đảng viên, bơ̆ jang hơgei, tơpăt ‘lơ̆ng.

Iung pơma iŏk tơdrong jang Kơ iĕng kơdră chĕp pơgơ̆r Ban Nội chính Trung ương Nguyễn Hữu Đông tơbăt, iŏk jang tơdrong jang ‘nao ‘noh jĭ chơt hiôk dêh mă lei jing hơnăp jang jei tôch trăp trĭn. Hơpơi hơnơ̆ng sơng iŏk đei tơdrong lăng ba, tơgŭm djru đơ̆ng Hơnih tơm Chinh trĭ, Ban Bí thư Trung ương, Ban Nội chính Trung ương păng tơdrong tơgŭm djru đơ̆ng rim hơnih tơm, hơnih bơ̆ jang Trung ương, tơdrong vang jang hơdoi, tơgŭm djru đơ̆ng rim kơdră chĕp pơgơ̆r, kang ƀô̆ lơ̆m hơnih bơ̆ jang Ban Nội chính Trung ương vă kơ dih jang keh đang ‘lơ̆ng tơdrong jang đei pơjao ăn.