Pơma tơ̆ jơ sơng, ƀok Kơdră chĕp kơ̆l Anih tơm Viêng Chăn Athsaphangthong Siphandone tơƀôh đon hơiă hăm tơdrong jang tŏk pran ‘lơ̆ng đơ̆ng Anih tơm Hà Nội găh rim tơdrong lơ̆m khei ‘năr âu ki. Atŭm hăm ‘nŏh roi tơbăt dôm tơdrong jang tŏk đơ̆ng Anih tơm Viêng Chăn, Ƀok Kơdră chĕp kơ̆l Anih tơm Viêng Chăn tơroi, mŭk drăm plt jang tŏk jô̆ păh lăp 4,3%, hăm jên iŏk yoa jô̆ păh kiơ̆ kơ̆l bơngai dang hlŏh 5.500 USD 1 sơnăm. Lăp 9 khei sơnăm ‘nâu, Viêng Chăn đĭ jang kĕh tơdrong thu mong jên ăn tĕh đak, rŏ năng gô thu lơ hlŏh 20% lơ̆m sơnăm ‘nâu.

Bí thư Đảng plt Hà Nội Đinh Tiến Dũng athei Anih tơm Viêng Chăn hơlen năng tơdrong jang kiơ̆ hla ar pơkăp jang hơdoi đơ̆ng 2 anih tơm khei ‘năr âu ki, atŭm hăm ‘nŏh athei dôm kuơ̆n, apŭng hơnơ̆ng tơlĕch jang hơdoi mă ‘lơ̆ng păng đei yoa ƀiơ̆. Atŭm hăm ‘nŏh pơma hơdăh, tơdrong pơvei jang hơdoi đơ̆ng Hà Nội hăm Viêng Chăn athei adrin tưk tơiung jing trong jang ‘lơ̆ng lơ̆m tơdrong pơvei jang hơdoi đơ̆ng dôm tơring Việt Nam - Lào, tơgop ‘lơ̆ng ăn tơdrong pơvei đơ̆ng 2 Đảng, 2 tĕh đak.