Tang măt ăn đe kơdră kơpal dêh char Đăk Lăk, Ƀĭ thư Tĭnh uy Nguyễn Đình Trung pơtruh nơ̆r thơ thâu 'lơ̆ng hơ-iă truh đe kăn ƀô̆, bơngai jang tơ̆ Rađiô nơ̆r pơma Việt Nam tơ̆ tơring Tây Nguyên, thơ thâu kơ dôm tơdrong jang đei jơnei dôm tơdrong tơroi tơbăt mă Rađiô nơ̆r pơma Việt Nam pơma atŭm păng Rađiô nơ̆r pơma Việt Nam tơ̆ Tây Nguyên pơma hơdrô̆ hlôi đei iŏk lơ̆m khei năr âu ki.

Ƀĭ thư Tĭnh uy Đăk Lăk akhan, atŭm hăm tơdrong chih akŏm păng pơre kơtơ̆ng ang, ƀai chih kăp gĭt, Rađiô nơ̆r pơma Việt Nam tơ̆ Tây Nguyên oei chih akŏm pơih tơdrong tơroi 6 nơ̆r pơma lơ̆m kơsô̆ 13 nơ̆r pơma kon pơlei kơ Rađiô nơ̆r pơma Việt Nam tơpă đei jơnei tơnăp. 'Nâu jing tơdrong tơroi tơbăt kiơ̆ trŏ tơchơ̆t đơ̆ng Đảng, đe Kơdră teh đak pơtruh hăm kon pơlei kon kông trŏ hơdăh, tơgop kăp gĭt lơ̆m tơdrong hơtŏk tơ-iung atŭm kơ tơring.