Pơma tơ̆ jơ tơƀơ̆p, ƀok Phan Đình Trạc, Bơngai jang lơ̆m Anih tơm Chĭnh trĭ, Bí thư Trung ương Đảng, Kơdră Ban nội chính Trung ương akhan, dôm nơ̆r tơgop, apĭnh đơ̆ng bơngai tăh hla ‘noh tôch kơ ƀlep. Khŭl bơngai tang măt quốc hội dêh char Lâm Đồng gô chih iŏk, akŏm păng tơroi truh Quốc hội lơ̆m ‘măng hop akŏm truh.

Hơdrô̆ tơdrong jang tang găn sa pơgơ̆m pơjĭp, ƀok Phan Đình Trạc tơbăt đơ̆ng blŭng sơnăm truh dang ei, lơ̆m teh đak hlôi bơ̆jang kiơ̆ tơkêng, dăr hơlen hloh 1.800 tơdrong, hăm 3.493 ‘nu pơm glăi găh dôm tơdrong yoch sa pơgơ̆m pơjĭp, mŭk drăm păng kơchư̆k jang, tŏk 63,8% kơsô̆ tơdrong păng 44,8% kơsô̆ bơngai pơm yoch pơting hăm khei ‘nâu sơnăm sơ̆. Tơdrong jang tang găn sa pơgơ̆m pơjĭp tŏk bŏk hơnơ̆ng đei tơlĕch jang tôch kơ tang, ưh kơ đei pơdơh, ưh kơ đei tơring kơ̆m păng ưh kơ đei lon bu.