Sơnăm 2018, Binh đoàn 15 păng Anih pơgơ̆r pơjing chinh trĭ tơ̆ tơring păng atŏk tơiung tơring tơrang tôm tơdrong (Anih tơm vei lăng khul linh teh đak Lào) pơm lêh Kĭ pơkăp hla ar jang hơdoi, pơm pô̆ hăm băl. 2 Anih jang vang pơgơ̆r lơ tơdrong nhen năm tơmang lăng, hŏk pơhrăm, pơma nuh găh dôm trong choh jang xa, pơtăm ‘long, pơtho pơhrăm, jang pơgang hăm vei lăng sơđơ̆ng teh đak; jang hơdoi vang dăr lăng rim tơdrong tơ̆ dêh char Xay Sổm Bun păng dêh char Xiêng Khoảng vă đei trong tơgŭm ăn teh đal boăl tơlĕch lơ tơdrong jang; 

Binh đoàn 15 oei tơgŭm tôch pơnĕh găh tơdrong tơgŭm dŏng, pôk rĭ kơhrĕng unh hnam đơ̆ng tơring đei tơdrong jang tŏk oei tơ̆ tơring sơđơ̆ng; jang hơdoi vang khăm hơmet jĭ, ƀơk đĕch pơgang ăn rơbâu ‘nu bơngai. Chih răk dôm tơdrong tơgop âu, Anih tơm vei lăng khul linh teh đak CHDCND Lào hơpăh Hla Kơ tơblăh jơnei păng Mê đai Kơtang nuih mơng dơ̆ng mă II, III ăn khul grŭp, lơ bơngai găh Binh đoàn 15.