Đơ̆ng blŭng sơnăm truh dang ei, Khul kơdră Đảng, Khul kơdră chĕp pơgơ̆r Binh đoàn 15 hlôi akŏm chĕp pơgơ̆r, pơrô̆ hơnih jang iung jang keh đang tơdrong jang tơ iung pơjing hơnih jang pran kơjăp iăp kơtang tôm tong.

Rim hơnih jang găh Binh đoàn tơlĕch ‘lơ̆ng rim trong bơ̆ jang vei lăng hơnih mơdro sa, bơ̆ jang vei lăng jên hu, pơkom kon jên jang, pơm hơtŏk jang đei iŏk yua kơjăp; hơmet pơ ‘lơ̆ng khul jang kiơ̆ kơtoei ‘lơ̆ng hơ iă. Gơnơm kơ ‘noh, mă đơ̆ng kơjă kơjăr ksu ưh kơ măt, mă lei Binh đoàn oei sơđơ̆ng ăn tơdrong jang iŏk đei jô̆ hơtŏ 7 triu 300.000 hlak jên lơ̆m 1 ‘nu 1 khei ăn kŏng nhân. Đơ̆ng blŭng sơnăm truh dang ei, Binh đoàn tơmơ̆t ‘nao dơ̆ng hloh 2.400 ‘nu kŏng nhân, lơ̆m ou đei hloh 97% ‘nu bơngai kon kông. Adoi, Binh đoàn jei tơgum djru rim tơring pơm ‘nao 600 hơdrơ̆ng ŭnh hơyuh jơ̆ng ‘năr pơchrang hơdăh ang rang ‘lơ̆ng ăn 20km trong nơnăm lơ̆m 10 pơlei; pơgơ̆r khăm jĭ jăn, ƀơk ăn pơgang ăn ŭnh hnam đei iŏk yua ăn teh đak, ŭnh hnam tơnap tap ƀlep lơ̆m jơ ‘năr lêh, têt.