Kiơ̆ đơ̆ng răp hơlen lăng, khŭl dăr hơlen kơ Anih vei lăng tơdrong kơ tơ̆ng ang păng tơroi tơbăt dêh char Bình Dương păng Kŏng an dêh char Bình Dương chă ƀôh P. hlôi yua tài khoản kơ dih hơnăn “Pii Nguyen” chih tăh lơ̆m facebook tơ roi ưh kơ ‘lơ̆ng pơm ưh kơ sơ đơ̆ng, ƀơm kơ nê̆ bưng ai khŭl linh kŏng an ƀơm truh tơdrong đei ƀôh tơ̆ apŭng Cư Kuin, dêh char Dak Lak. Bơ̆jang hăm anih jang kơpal N.T.P hlôi drơ̆ng akhan tơdrong pơm đơ̆ng sư ‘noh jĭ pơm glăi khôi luơ̆t păng pơ kăp gô ưh kơ pơm glăi dơ̆ng bơih.

Khŭl dăr hơlen kơ Anih vei lăng găh tơdrong kơ tơ̆ng ang - tơ roi tơbăt dêh char Bình Dương hlôi tơlĕch tơdrong tơchơ̆t phak jên P. kơ sô̆ jên 7,5 triệu hlak jên găh pơm glăi “Tơroi kơtơ̆ng ang ƀơm kơ nê̆ bưng ai đơ̆ng anih jang, khŭl jang, jơ hngơ̆m đon đơ̆ng kơ dih”. Anih jang kơ pal kŭm athei P. sut hŭt lê̆ kơ tơ̆ng ang chih tăh glăi ưh kơ đei tơ pă pơm glăi khôi luơ̆t.