Lăng kiơ̆ tơdrong jang chinh trĭ, trong tơlĕch jang pơting dih băl, tơklep hăm pơgơ̆r pơlong jang pran kơtang hăm tơdrong pơgơ̆r pơting dih băl ‘mêm kơ eng teh đak, 5 sơnăm ou ki, Khul ƀô̆ đô̆i vei lăng sơlam teh đak dêh char Kon Tum hlôi pơgơ̆r 18 ‘măng pơting dih băl kơtang, 11 ‘măng pơgơ̆r pơting dih băl hăt hot akŏm jang keh đang dôm tơdrong bơ̆ jang kăl, tơnap tap, hrat hrĭn.

Iung pơma tơ̆ Pơm lêh hop akŏm, tang măt Khul kơdră Đảng, Khul kơdră chĕp pơgơ̆r Ƀô̆ đô̆i vei lăng sơlam teh đak, Thiếu tướng Nguyễn Đức Mạnh, Kơ iĕng Kơdră chĕp pơgơ̆r Ƀô̆ đô̆i vei lăng sơlam teh đak hôn bơnê kơtang dôm tơdrong jang mă Ƀô̆ đô̆i vei lăng sơlam teh đak dêh char Kon Tum iŏk đei lơ̆m 5 sơnăm ou ki. Adoi, athei Ƀô̆ đô̆i vei lăng sơlam teh đak dêh char Kon Tum hơnơ̆ng tơlĕch jang kiơ̆ kơtang jơhngơ̆m đon ‘lơ̆ng kơ Ƀok Hô “Pơting dih băl jang pran kơtang ‘noh ‘mêm kơ eng Teh đak, ‘mêm kơ eng Teh đak lei kăl pơting dih băl jang pran kơtang. Păng dôm bơngai pơting dih băl jang pran kơtang ‘noh dôm bơngai ‘mêm kơ eng teh đak hloh”.