Ƀô̆ đô̆i vei sơlam teh Kon Tum tơgŭm hŏk tro tơring sơlam teh
Thứ năm, 14:49, 07/09/2023
VOV Tây Nguyên/Lan tơblơ̆
VOV Tây Nguyên/Lan tơblơ̆
VOV4.Bahnar – Hăm tơdrong tơnap tap kơ lơ hŏk tro tơ̆ 13 xah sơlam teh, Ƀô̆ đô̆i tơ̆ Kơđông vei sơlam teh dêh char Kon Tum hlôi tơgŭm hloh 1,9 tih hlj tơgŭm đe oh da ƀiơ̆ tơnap tap sơđơ̆ng jơhngơ̆m mơ̆t hŏk sơnăm hŏk 'nao 2023- 2024.
Tôm kơsô̆ jên hlôi đei dôm Khul kơpal kơ Anih pơgơ̆r linh pơjao ăn đe oh. Lơ̆m noh, đei truh 1,8 tih hlj 'măn ăn 253 oh lơ̆m Tơdrong jang “Kăn ƀô̆, Khul linh tơgŭm đe oh năm hŏk”. Đe hơ-ioh đei tơdrong hơrih tơnap tap tơ̆ 13 xah sơlam teh lơ̆m 4 apŭng kơ dêh char Kon Tum noh: Đăk Glei, Ngọc Hồi, Sa Thầy păng Ia H’Drai.
Ƀơ̆t sơnăm hŏk 'nao 2023- 2024, rim Kơđông linh vei sơlam teh adoi asong tơmam drăm, tơmam hŏk pơhrăm ăn 15 'nu mon noh ''Kon rong Kơđông linh vei sơlam teh'' hơlêm đe mon sơđơ̆ng jơhngơ̆m mơ̆t hŏk sơnăm hŏk 'nao 2023- 2024.
Viết bình luận