Hăm tơdrong jang vei lăng năng tông jăl sơlam Teh đak hơtăih 292km tơtil hăm teh đak CHDCND Lào păng teh đak Pơtao Campuchia, Khul Ƀô̆ đô̆i vei lăng sơlam teh đak Kon Tum hlôi tơlĕch jang rim trong jang băt hơdăh dôm tơdrong tơ̆ tơring sơlam teh đak, lơ̆m tơring, vei lăng kơjăp iăp kơtang rim bơngai păng iung tơjră kĕ dôm tơdrong pơm glăi, tang găn rim tơdrong pơm glăi tơdrong pơkăp sơlam teh đak, pơm glăi khôi luơ̆t.

Khei năr kơnh vă keh đang tơdrong jang tơ iung pơjing, vei lăng năng tông kơjăp pơm tơ-‘ngla groi teh, vei kơjăp sơđơ̆ng teh đak păng sơđơ̆ng chinh trĭ lơ̆m rim tơdrong, Thiếu tướng Nguyễn Hoài Phương, Kơ iĕng Kơdră chĕp pơgơ̆r Ƀô̆ đô̆i vei lăng sơlam teh đak Việt Nam pơma hơdăh, pơđĭ kang ƀô̆ ƀô̆ đô̆i kơ Ƀô̆ đô̆i vei lăng sơlam teh đak dêh char Kon Tum atŏk kơtang vei lăng bơ̆ jang Teh đak hăm tơring sơlam teh đak. Atŏk kơtang bơ̆ jang tơbôl tơring sơlam teh đak hăm khul vei lăng sơlam teh đak kơ teh đak Lào, Campuchia tơ iung pơjing tơring sơlam teh đak rơngei hiôk hian, tơgoăt tơgoăl, jang hơdoi păng atŏk tơ iung”.