Iung pơma tơ̆ jơ pơm lêh, Ƀĭ thư Đảng, Kơdră tang măt Teh đak Cộng hòa XHCN Việt Nam tơ̆ teh đak Campuchia Nguyễn Huy Tăng tơbăt, ƀlep lơ̆m năr Tơbăt 94 sơnăm Năr pơjing Đảng (3/2), bơ̆n vang Soh hlôt nhang tơ̆ Hơnih soi tơbeh ăn kơ Ƀok Hô, vă tơroi tơbăt ăn kơ Ƀok mĭnh ƀar tơdrong jang iŏk đei jơnei mă Đảng ƀô̆ tơ̆ Campuchia hlôi jang kĕ lơ̆m sơnăm 2023.

Sơnăm 2023, tơgoăt tơgoăl ƀar teh đak Việt Nam-Campuchia hơnơ̆ng atŏk tơ iung kơtang păng iŏk đei jơnei gĭt kăl lơ̆m lơ tơdrong găh chinh trĭ, tơbôl, vei lăng sơđơ̆ng teh đak roi năr roi kơjăp iăp kơtang; jang hơdoi mŭk drăm, mơdro sa tơmơ̆t jên jang kơtang, tơgop lơ̆m atŏk đei iŏk yua kơjăp ăn ƀar teh đak. Lơ̆m jơ ‘năr gĭt kăl au, rim kơdră tang măt hlôi soh hlôt nhang tơ̆ hơnih soi tơbeh Kơdră chĕp pơgơ̆r Teh đak Hồ Chí Minh - Kơdră chĕp pơgơ̆r gĭt kăl kơ hơdrĕch hơdrung vă ƀlŏk hơdơ̆r, hôn bơnê dôm tơdrong tơgop tih tên đơ̆ng Ƀok Hô ăn kơ bơ̆n hrei au păng ning nai kai ning mônh kơnh.